صانــ؏ البسمــہه

إنتَ كطالب جامعي ما تفرح بإجازتك السنويه وتعديها كلها مرقات وشارع النيل وهكذا.
ما بمنع الطلعات والسفر لأنها تغيير نفسي بس ما تخليها تكون خصماً عليك.

إستغلها إستغلال ينفعك لقدام
اول حاجه:
شيل خطاب تدريب من الجامعه وأمشي بيهو الجهة اللي حتقدر تفيدك وتنفعك وتدربك بصورة ممتازة بحيث إنو بعد تخلص فترتك تكون فعلا إستفدت وإكتسبت خبره.

تاني حاجه:
جيب ليك شريحه داتا ونشط شهرياً وأدخل المواقع دي:
1- كورسيرا
2-إيدكس
3-يودمي
4-ألسون
5-تيرا كورسيز.
وغيرها من المواقع اللي بتقدم ليك أنواع كتيره من الكورسات المجانية على حسب رغبتك عايز أي كورس وكمان بشهادة معتمدة حتمثل ليك دفعه قويه في ال cv

تالت حاجه:
شوف المؤسسات الخيرية من ( جمعيات، مبادرات، منظمات) وإتطوع فيها بهدفين الأول الأجر ثم الأجر والتاني شهادة الخبرة.

رابع حاجه:
خلي عندك مصدر دخل بمعنى شوف موهبتك وطورها عشان تبقى ليك مشروع مادي تقدر من خلاله تشتري إحتياجاتك الشخصيه وتشتري الكتب والمراجع للسنه الجايه وتنشط نت وتمشي تفاصيل حياتك.

خامس حاجه:
أي ورشه أي ورشه لو واقعية أو أونلاين سوا كانت بقروش او مجانيه، وإذا فيها شهاده أو ما فيها وحاسي إنها حتنفعك أدخلها يمكن تبقى ليك كمعرفة أو تطور مهاراتك الشخصيه أو تفيدك تفيدك فيما بعد.

سادس حاجه:
الكورسات اللي في مجالك ولقيت إعلان عنها أونلاين أو أوفلاين أدخلها وقبيل قلنا لازم يكون عندك مشروع خاص عشان الكورس لو بقى بقروش تقراهو وما تفوت عليك الفرصه.
بس اهم شئ تشوف الجهة البتقدم الكورسات دي معتمدة وشهاداتها معتمده ولا لا.

سابع حاجه ودي بنعاني منها كتير:
عليك بالإنجليزي والحاسوب ديل الإثنين أساسي قبل كل شئ وتابعنك محل ما تمش أبقى عليهم عشره.
لو تنزل تطبيق او تقرأ كورس المهم أبقى عليهم عشره.

تامن حاجه وهي مفروض تكون أول حاجه:
أرضِ ربك ووالديك، وأبعد عن الحسد والحقد ونضف دواخلك وما تعاين لغيرك وصلوا وين عاين لنفسك وطورها عشان تصل للحته العايزها.

توفيق يلازم خُطاكم يا رب. 💙
برنس

www.tg-me.com/us/صانع البسمه/com.smilemader/1702

330 viewsطه الضرس, Jan 31, 2023 at 09:09

إنتَ كطالب جامعي ما تفرح بإجازتك السنويه وتعديها كلها مرقات وشارع النيل وهكذا.
ما بمنع الطلعات والسفر لأنها تغيير نفسي بس ما تخليها تكون خصماً عليك.

إستغلها إستغلال ينفعك لقدام
اول حاجه:
شيل خطاب تدريب من الجامعه وأمشي بيهو الجهة اللي حتقدر تفيدك وتنفعك وتدربك بصورة ممتازة بحيث إنو بعد تخلص فترتك تكون فعلا إستفدت وإكتسبت خبره.

تاني حاجه:
جيب ليك شريحه داتا ونشط شهرياً وأدخل المواقع دي:
1- كورسيرا
2-إيدكس
3-يودمي
4-ألسون
5-تيرا كورسيز.
وغيرها من المواقع اللي بتقدم ليك أنواع كتيره من الكورسات المجانية على حسب رغبتك عايز أي كورس وكمان بشهادة معتمدة حتمثل ليك دفعه قويه في ال cv

تالت حاجه:
شوف المؤسسات الخيرية من ( جمعيات، مبادرات، منظمات) وإتطوع فيها بهدفين الأول الأجر ثم الأجر والتاني شهادة الخبرة.

رابع حاجه:
خلي عندك مصدر دخل بمعنى شوف موهبتك وطورها عشان تبقى ليك مشروع مادي تقدر من خلاله تشتري إحتياجاتك الشخصيه وتشتري الكتب والمراجع للسنه الجايه وتنشط نت وتمشي تفاصيل حياتك.

خامس حاجه:
أي ورشه أي ورشه لو واقعية أو أونلاين سوا كانت بقروش او مجانيه، وإذا فيها شهاده أو ما فيها وحاسي إنها حتنفعك أدخلها يمكن تبقى ليك كمعرفة أو تطور مهاراتك الشخصيه أو تفيدك تفيدك فيما بعد.

سادس حاجه:
الكورسات اللي في مجالك ولقيت إعلان عنها أونلاين أو أوفلاين أدخلها وقبيل قلنا لازم يكون عندك مشروع خاص عشان الكورس لو بقى بقروش تقراهو وما تفوت عليك الفرصه.
بس اهم شئ تشوف الجهة البتقدم الكورسات دي معتمدة وشهاداتها معتمده ولا لا.

سابع حاجه ودي بنعاني منها كتير:
عليك بالإنجليزي والحاسوب ديل الإثنين أساسي قبل كل شئ وتابعنك محل ما تمش أبقى عليهم عشره.
لو تنزل تطبيق او تقرأ كورس المهم أبقى عليهم عشره.

تامن حاجه وهي مفروض تكون أول حاجه:
أرضِ ربك ووالديك، وأبعد عن الحسد والحقد ونضف دواخلك وما تعاين لغيرك وصلوا وين عاين لنفسك وطورها عشان تصل للحته العايزها.

توفيق يلازم خُطاكم يا رب. 💙
برنس

BY صانــ؏ البسمــہه